FM-heitið í Okkaradeildini kann verða avgjørt annað páskakvøld. Tað gerst veruleiki um Neistin vinnur tað fjórðu FM-finaluna móti H71, ið verður spæld í høllini á Hálsi í annaðkvøld.
Neistin er á odda 2-1 í vunnum finalum, og H71 má vinna í annaðkvøld fyri at fáa møguleikan at spæla eina fimtu og avgerandi FM-finalu í Hoyvíkshøllini komandi leygarkvøld.
Sjúrður Hoydal sigur beinleiðis frá dystinum á FM1. Øll kunnu hoyra frásagnirnar á www.midlar.fo. Vanligu frekvensirnir hjá FM1 eru FM 88,7, FM 91,7, FM 93,9, FM 94,5, FM 95,5 og FM 98,7. Sendingin byrjar við upptakt klokkan 18.30.
Samrøður við umboð fyri Neistan og H71 koma út á in.fo tá dysturin er liðugur.
