Tveir hondbóltsdystir verða leiktir mitt í viku hesa vikuna, og FM1 sigur frá báðum.
Í kvøld klokkan 20 verður dystur í Okkara-deildini millum KÍF og Neistan í høllini í Kollafirði. Sjúrður H. Hoydal sigur beinleiðis frá dystinum á FM1, og Claus Rasmussen verður viðmerkjari.
Mikukvøldið klokkan 18.30 sigur Sjúrður H. Hoydal frá dystinum í SMS-deildini millum Neistan og H71 í høllini á Hálsi í Havn. Sophus Dahl Christiansen verður viðmerkjari.
Øll kunnu hoyra dystarfrásagnirnar á www.midlar.fo. Vanligu frekvensirnir hjá FM1 eru FM 88,7, FM 91,7, FM 93,9, FM 95,5 og FM 98,7.
Ljóðsamrøður við umboð fyri liðini koma út á in.fo aftaná dystarlok.
