FM1: KÍF hevur spælt seg innaftur í FM-hálvfinalustríðið

##med2##

Kollfirðingar eru í einari góðari gongd í Okkaradeildini, og í dag vann KÍF tann dystin kollfirðingar mest av øllum vilja vinna, óannsæð hvar teir liggja á stigatalvuni.

KÍF vann ein tryggan 23-18 sigur á VÍF. Í steðginum var KÍF á odda 13-8. 

Málverjin hjá KÍF, Joakim Jürs sum júst hevur longt sáttmálan við KÍF við einum kappingarári stórspældi í málinum og gjørdi sítt til, at KÍF er væl og virðiliga inni í stríðnum at enda millum fýra tey ovastu liðini í grundspælinum í Okkaradeildini.

Andreas F. Hansen, venjari hjá KÍF er framúr væl nøgdur við avrikið og hugburðin í dag, og ikki minst, at kollfirðingar sjálvir kunnu avgera sína lagnu.

Hjalmar K. Olsen staðfestir eitt minni gott avrik hjá VÍF í dag, og nú er eitt ávíst trýst á vestmenningum sum taka móti greiða oddaliðnum, H71 komandi mikukvøld klokkan 20. Sjúrður H. Hoydal sigur beinleiðis frá dystinum á FM1.

Á ljóðfíluni omanfyri ber til at hoyra samrøðurnar reportarin hjá FM1, Tróndur Arge gjørdi við venjararnar, Andreas F. Hansen (KÍF) og Hjalmar K. Olsen (VÍF).