##med2##
Gestur hjá Tróndi Arge í Fótbóltspanelinum á FM1 seinnapartin í dag var nýggi høvuðsvenjarin hjá HB, Jonas Dal Andersen.
Jonas Dal Andersen er ikki so kontantur í orð og talu sum dugnaligi undanmaðurin, Jens Berthel Askou, men hann slær fast, at tað blíða skinnið eigur ikki at lumpa nakran, tí til venjingar og á vøllinum er hann ein venjari sum krevur nógv av sínum spælarum.
- Eg vil hava klókar spælarar sum duga at arbeiða í tríhyrningsøkjum á vøllinum, sigur Jonas Dal Andersen, ið hellir mest til 4-3-3 spæliskipanina, ið tó kann broytast til 4-5-1 ella 4-4-1-1 um brúk er fyri tí.
Fyri Jonas Dal Andersen hevur tað størst týdning at HB endurvinnur FM-gullið, men hann vil ógvuliga gjarna standa við einum góðum avriki í Evropa komandi summar.
Í byrjanini var eisini nortið við yrkisleiðina higartil hjá Jonasi Dal Andersen, bæði sum spælara og sum venjara.
Jonas Dal Andersen fekk eisini nakrar viðkomandi spurningar frá lurtarunum hjá FM1.
