##med2##
TB endaði kappingina í Betrideildini við einum 3-2 heimasigri á Skála. Hesin heimasigurin gjørdist lagnutungur fyri Skála, ið endaði á aftasta plássi, og má ti niður í 1. deild.
Tey fimm málini komu seinastu 20 minuttirnar. Filip Obadovic, Mark Kongstedt og Sebastian Kroner syrgdu fyri innan eitt korter, at TB kom á odda 3-0. Jóhan B. Johansen og Niels Pauli B. Danielsen svaraðu aftur fyri Skála, men tíðin rann undan fyri Skála, og TB vann 3-2.
Fyri høvuðsvenjaran hjá TB, Michael L. Winther hevði tað stóran týdning at enda kappingina við einum sigri. Michael gevur nú spælarunum frí í tríggjar dagar, og so verður farið í holt við at fyrireika seg til fjórðingsfinaluna móti Víkingi í kappingini um løgmanssteypið.
