##med2##
Seinnapartin hevur FM1 sent "Gullradio" á 14. sinni í søguni hjá FM1/Rás2.
Gestir í fjórða og seinasta senditímanum í Gullradio vóru HB-veteranarnir, Eyðun Samuelsen, Vagnur Mohr Mortensen og Páll Mohr Joensen.
Umframt at, teir tríggir veteranarnir settu góð orð á avrikið hjá FM-vinnarunum 2020 var eisini tíð til at minnast egin avrik fyrst í hesari øldini.
Nomið var eisini vónirnar fyri 2021, og Eyðun, Vagnur og Páll søgdu eisini hvønn teir halda er ársins spælari hjá HB í ár.
Á ljóðfíluni omanfyri ber til at hoyra fjórða senditíman, ið var í Gullradio á FM1 í dag.
HER ber til at hoyra eina ljóðkavalkadu við frásagnarbrotum og samrøðubrotum frá teimum 26 dystunum HB hevur leikt í Betrideildini í ár.
HER ber til at hoyra annan senditíman í Gullradio. Petur Asbjørn Lervig prátaði við HB-arar uppi í HB-húsinum í Gundadali.
HER ber til at hoyra triðja senditíman í Gullradio, ið var Fótbóltspanelið. Gestir vóru Teitur Joensen, viðmerkjari og Jákup Ósá frá bolt.fo og Norðlýsinum.
