talv
Kappingin verður skipað í 5 ymiskum aldursbólkum, og er samstundis úttøkukapping til Norðurlandameistaraheitið 2005.
Kappingin um FM-heitið verður í somu aldursbólkum sum til NM-kappingina:
A - bólkur:Telvarar føddir 1985-87
B - bólkur:Telvarar føddir 1988-89
C - bólkur:Telvarar føddir 1990-91
D - bólkur:Telvarar føddir 1992-93 og
E - bólkur:Telvarar føddir 1994 og seinni.
Skipað verður fyri 3 kappingum, har tvær tær fyrstu eru úttøkukappingar til endaligu finaluna:
1.Fyrsta kappingin verður 6. november 2004 í Vágunum (fyriskipari MT/ST). Telvað verða 8 umfør, har hvør telvari hevur 10. min. í part til hvørt talvið. Heiðursmerki verða latin til nr. 1, 2 og 3 í hvørjum aldursbólki. Byrjað verður kl. 12.
2.Onnur kappingin verður 20. november 2004 í Norðskála/Oyri, (fyriskipari Rókur). Telvað verða 8 umfør, har hvør telvari hevur 10. min. til hvørt talvið. Heiðursmerki verða latin til nr. 1, 2 og 3 í hvørjum aldursbólki. Byrjað verður kl. 12.
3.Triðja kappingin (finalan) verður 27. november 2004 í Tórshavn (fyriskipari TSF). Telvað verða 7 umfør, har allir møta øllum. Hvør telvari hevur 30 min. í part til hvørt talvið. Í finaluni luttaka teir 8 telvararnir, sum í tveimum teimum fyrstu kappingunum hava staðið seg best. Byrjað verður kl. 10.
Í finaluni verður nr. 1 í hvørjum aldursbólki Føroyameistari, nr. 2 gerst nr. 2, o.s.fr. Steyp verða latin til nr. 1, 2 og 3 í finaluni.
Umframt føroyameistaraheitið, kvalifisera nr. 1 og 2 í hvørjum aldursbólki seg til árligu NM-kappingina fyri einstaklingar, sum næstu ferð verður í Oslo í Noregi - í februar mánað 2005. Tá kappast føroysku umboðini ímóti hinum norðurlondunum um NM heitið.
Sì annars á heimasíðu TSF´s: www.faroechess.com.
