Triathlon
Kappingin var í Havn, og kappast var soleiðis, at svomnir vórðu 750 metrar. 20 km skuldu súkklast, og at enda skuldu 5 km rennast.
Fyrst var svomið í Svimjihøllini í Gundadali.
Liðugur at svimja, rann íðkarin út á súkkluna, og var súkklað frá Svimjihøllini til rundkoyringina við Skansan og aftur til rundkoyringina R.C.Effersøesgøta/Norðari Ringvegur 3 ferðir, og so oman til Skógrøkt Landsins.
Her var skift til renning, og runnið frá Skógrøkt Landsins niðan eftir Hvítanesvegnum til høgru eftir Skraddaragøtu, inn á gøtuna kring Skógrøktina og aftur til málið við Skógrøkt Landsins.
Runnið var 6 ferðir runt.
Nógvur vindur var, og tí vóru tað bara 4 mans ið hættaðu sær undir kappingina.
Vann við súkkluni
Svimjingini var tað Eli sum kom best frá, men honum á baki var Gunnar. Men meðan hesir báðir stríddust við at lata seg í súkkluklæðini fór Evald framvið og fór fyrstur út á súkkluteinin. Men stokkut var gleðin, tí fyrst kom Gunnar sum ein tornado framum, og stutt aftaná eisini Eli. Hesir báðið hildu støðuna líka á mál, hóást Gunnar alla tíðina økti um munin. Eli svam og skifti skjótast, men Gunnar hevði munin í súkklingini og renningini.
Kári, sum var seinastur úr hylinum, tók nakað inn á Evald í súkklingina, men munurin fór ikki rættiliga at minka fyrr enn teir fóru at renna.
Aftur hesaferð, sum so mangan fyrr, komu skiftini Evaldi til góðar. Evald svam og skifti skjótari enn Kári, sum so afturfyri súkklaði og rann væl skjótari, og skal hetta ikki endurtaka seg, so má Kári venja skiftini meira.
Ein kapping eftir
Sunnudagin 5 okt kl 13:00 verúr so seinasta kappinginhjá felagnum í ár, og er tað FM í 1/4 triathlon. Her eru teinarnir 1.500 m svimjing, 40 km súkkling og 10 km renning.
Fyrst verður svomið 1500 m í Svimjihøllini, síðani súkklað 40 km. eftir Ringvegnum, Hvítanesvegnum og Kaldbaksvegnum til Kaldbaks, Kaldbaksbotn, Kaldbaks, og so aftur til Havnar, til Skógrøkt Landsins, har skift verður til renning.
Runnið verður síðani tvær ferðir eftir vegnum Fram við Strond til Føroya Sparikassa, og aftur til Skógrøkt Landsins, har málið er.
Úrslit, sprint triathlon:
Svimjing.Skift 1.Súkkling.Skift 2. Renning.Samlað tíð
1.Gunnar Dahl Olsen11:212:4932:170:4425:461:12:57
2.Eli Christiansen11:172:5536:040:2026:471:17:33
3.Evald Rasmussen12:241:3043:560:0230:451:28:17
4.Kári Simonsen14:122:4943:410:4028:491;30:11
