Fríggjakvøldið 2. november verður fyrsta umfar av FM kappingini fyri lið spælt í Bridgehúsinum í Havn. Byrjað verður at spæla klokkan 19.30 og hildið verður fram leygarmorgunin klokkan 10.30.
Liðini í 1.deild er seks í tali, og í 2.deild hava átta lið boðað frá luttøku.
Ein broyting verður við kappingin í ár. Kappingarnevndin hjá FBS hevur nú avgjørt, at dystirnir verða 28 spøl. Vanligt hevur verið, at hvør dystur er 32 spøl.
Steypakappingin
Um onkur ætlar sær at spæla við í steypakappingini, er tíðin nú komin at tekna seg.
teypakappingin er skipað á tann hátt, at liðini, sum hittast, sjálvi avgera nær og hvar spælast skal. Í fjør spældu níggju lið við í steypakappingini, sum eysturingar við Símini Lassaberg á odda vunnu.
Opið hús
Sunnudagin kl 14 var opið hús í Bridgehúsinum.
Átta pør spældu við, og vinnarar gjørdust Allan Dal-Christiansen og Steinbjørn Zachariassen.
Opið hús verður í Bridgehúsinum hvønn sunnudag í vetur.
Hvussu hevði tú spælt ?
S/Allir
Norður
Sp K10965
Hj Q3
Rú A5
Kl Q1087
Vestur Eystur
Sp Q432 Sp 7
Hj K7 Hj A6542
Rú 432 Rú Q106
Kl J63 Kl A9542
Suður
Sp AJ8
Hj J1098
Rú KJ987
Kl K
NS: Helgi Joensen ? Eyðun Joensen
EV: Bogi Simonsen ? Rói á Rógvu Joensen
N E S V
- - 1 rú pass
1 sp pass 2 sp pass
4 sp D pass pass
pass
Eystur byrjaði við at taka fyri hjA og kl A, og spældi ein lítlan hjartara til kongin hjá makkaranum. Vestur spældi síðani ein lítlan kleyvara, sum Norður fekk við kl 10.
Hvussu skal Norður nú spæla?
Sjálvandi spældi hann ein lítlan spaðara til áttuni á borðinum. Skal nakað skil vera í duplingini, má Eystur hava sp Q fjórðu! Men gakk ? Vestur hevði frúnna, ein niður og ein reinan botn.
Hvussu hevði tú spælt?
Í einum øðrum spæli skuldi Bogi melda fyrst við hesum kortunum:
Sp 8
Hj D10865
Ru 98654
Kl 53
Hann valdi at opna við 2 hj, sum vísir eina veika hond við 5- ella 6-liti í hjartara. Sjálvt um hondin var heldur veik til hetta meldið, kendi hann á sær, at tað var mótparturin, sum hevði tey góðu kortini.
Næsta hond meldaði pass, og makkarin, Rói, meldaði 2ut, ið er eitt spyrjimeld. Aftur eitt pass frá mótpartinum, og Bogi meldaði við ringum tannabiti 3kl, sum vísir 5 lit og 5-7 hp. Makkarin brúkti ikki langa tíð at hugsa meir um hetta og meldaði 7hj.
Bogi hevði hug at angra nú, men ov seint var ? nú fingu teir ein botn, hugsaði hann. Spaðari kom út, og borðið kom niður!!!!
Sp E104
Hj EKB9
Ru EK72
Kl EK10
Bogi takkaði fyri. Rútarin sat 2-2, so tað var einki bein í at vinna 13 stikk.
