Í kvøld fara floksformenninir í teimum politisku flokkunum at skifta orð í Føroyahúsinum í Keypmannahavn. Allir teir uppstillaðu flokkarnir eru umboðaðir og í flestu førunum eru tað formenninir, sum eru til staðar. Sambandsflokkurin hevur tó valt at senda Johan Dahl og Miðflokkurin hevur, sum tann einasti flokkurin, valt eina kvinnu at umboða flokkin í Føroyahúsinum í kvøld.
Tað er Meginfelag Føroyskra Studenta, sum skipar fyri tiltakinum.
Dyrnar í Føroyahúsinum lata upp klokkan 19.30, tá Uni Debes spælir. Síðani byrjar sjálvt formansumfarið, sum MFS kallar tað, klokkan 20.00.
Eirikur í Jákupsstovu verður orðstýrari og luttakararnir eru annars hesir:
Jørgen Niclsen, Fólkaflokkurin.
Johan Dahl, Sambandsflokkurin.
Aksel V. Johannesen, Javnaðarflokkurin.
Kári á Rógvi, Sjálvstýrisflokkurin.
Høgni Hoydal, Tjóðveldi.
Poul Michelsen, Framsókn.
Mia av Kák Joensen, Miðflokkurin.
