Annað árið á rað eru Jóhan á Plógv Hansen og liðfelagarnir í Flensburg-Handewitt vinnarar av EHF European League.
Í finaluni í Barclay´s Arena høllini í Hamburg vann Flensburg greitt 32-25 á franska liðnum, Montpellier. Í steðginum var Flensburg frammanfyri 19-13. Jóhan skoraði eitt mál í finaluni. Lukas Jørgensen við 10 málum og Emil Jakobsen við níggju málum stórspældu fyri Flensburg í dag.
Í fjør vann Flensburg eisini EHF European League aftaná finalusigur á liðnum hjá Hákuni West av Teigum, Füchse Berlin.
Fyrr í dag vann liðið hjá Eliasi Ellefsen á Skipagøtu, THW 37-31 (18-18) í dystinum um triðja plássið í kappingini. Elias skoraði níggju mál í dystinum.
Vit hava vónandi samandráttir frá dystunum á in.fo seinni í kvøld.
