- Væntandi koma fýra partrolarapør inn at landa mánadagin og týsdagin. Fiskiskapurin hjá trolarunum er framvegis smáligur, men okkurt hál er brúkiligt.
Á Fiskamarknaði Føroya vita tey at siga, at partrolararnir - umframt at fiska upsa - eisini fáa nakað av toski og longu sum hjáveiði.
Tvey partrolarapør eru nýliga byrjaði túr úti á Íslandsrygginum, og tey koma neyvan inn aftur at landa fyrr enn eftir páskir.
- Flestu djúpvatnstrolarar eru til fiskiskap, og væntandi koma tríggir inn at landa mánadagin. Hinir koma neyvan fyri páskir.
Um veiðina hjá djúpvatnstrolarunum verður sagt tað sama sum um veiðina hjá partrolarunum - at fiskiskapurin sum heild er smáligur, men at okkurt brúkiligt hál er.
Í dag, tá Fiskamarknaður Føroyar gjørdi sínar metingar fyri næstu viku, vóru fýra trolbátar til fiskiskap.
- Væntandi landa tveir trolbátar mánadagin og tveir antin týsdagin ella mikudagin, verður lagt aftrat.
