Upsafiskiskapurin hjá partrolarunum er framvegis smáligur, men skipini fara og koma, og tað ger mun, har fiskurin kemur til virkingar. Í dag landar Sjagaklettur í Hvalba. Sjagaklettur, sum upprunaliga er lemmatrolari, partrolar nú saman við Vesturleika, sum landar í Sørvági í dag.
Skipini hava umleið 210.000 pund av upsa tilsamans.
Í gjár landaðu partrolararnir Breiðanes og Hamranes umleið 210.000 pund í Hvalba.
Tríggir ísfiskatrolarar landaðu eisini í Sørvági í gjár.
Vesturskin og Vesturvarði, sum komu aftur av túri leygardagin, høvdu umleið 150.000 pund tilsamans og Vesturtúgvan, sum partrolar saman við Grønanesi, landaði 105.000 pund í Sørvági.
Grønanes landaði í Vestmanna í gjár, og teir høvdu umleið 100.000 pund.
At kalla øll veiðan hjá partrolarunum er upsi.
Fiskiskapurin hjá partrolarunum er framvegis smáligur, men fiskurin ger mun, har hann kemur til virkingar.
