Talið á løntakarum er vaksið í seinastuni og í august í ár vóru 23.788 løntakarar í Føroyum.
Tað vísir ein uppgerð hjá Hagstovuni.
Uppgerðin vísir, at hetta er triði mánaði á rað, at talið á læntakarum veksur eftir fallið í vár, og nú er talið tað hægsta síðani í juni 2012.
Tá hugt verður eftir løntakarum eftir vinnugrein, sæst, at tað er í privatu vinnuni, at vøksturin er.
Í privatu tænastuvinnunum vóru 168 løntakarar fleiri í august í ár, samanborðið við august í fjør.
Framgongdin er 2,1%.
Verður hinvegin samanborðið við 2011, er bert talan um lítla broyting.
Í hinum høvuðsvinnugreinunum er lítil afturgongd, sigur Hagstovan.
