Altjóða fíggjarkreppan hevur av álvara sett síni fingramerki á Formel 1, sum telist millum dýrastu kappingarítróttirnar í heiminum. Honda hevur longu boðað frá, at teir hava skorið Formel 1 av virksemi sínum, og fyrrverandi kappkoyrarin, Gerhard Berger, ivast ikki í, at fleiri onnur fara sama veg. – Spurningurin er bara, hvat næsta liðið verður, sigur hann. Fleiri lið hava eisini boða frá skerjingum. Eitt nú McLaren, sum hevur minkað sína fíggjarætlan úr 2,4 niður í 1,5 milliardir krónur.
