Fleiri fólk eru rakt av skotum við eina Super Bowl-sigursskrúðgongu í Kansas City í amerikanska statinum Missouri.
Tað er farið fram nærindis jarnbreytarstøðini Union Station, upplýsir løgreglan á sosiala miðlinum X.
Løgreglan heitir á øll í økinum um at fara úr økinum.
Tað er ógreitt, hvussu støðan er hjá teimum raktu. Tað er heldur ikki greitt, hvussu nógv fólk talan er um.
Vit tilsiping til tilbúgvingina í Kansas City, KFCD, skrivar lokala sjónvarpsstøðin KSHB 41, at talan er um tilsamans tíggju fólk, sum eru skadd.
Tey skulu sambært sjónvarpsstøðini verða flutt á sjúkrahús í økinum. Men talið er ikki váttað av løgregluni ella øðrum myndugleikum.
Tveir vápnaðir persónar eru handtiknir, upplýsir løgreglan.
Mánanáttina vann Kansas City Chiefs á San Francisco 49ers í NFL-finaluni, Super Bowl. Í tí sambandi hevur verið sigursskrúðgonga í Kansas City.
/ritzau/
