Sum skilst verða hesi ikki tey einastu og seinastu í ár í Vestmanna. Væntandi verða fleiri hús bygd í hesum árinum, tí útskrivað eru longu fleiri onnur byggiloyvi til sethús í hesi útstykkingini.
Úr Vestmanna kommunu verður upplýst, at sølan av grundøkjum hevur gingið avbera væl, síðani kommunan í fjør beinleiðis lýsti eftir keyparum til stykkini.
- Enn eru nøkur eftir, og vónandi verða nøkur seld afturat í ár, verður sagt.
