Tíðindastovan NTB veit í dag at siga, at fleiri enn 1000 fólk eru funnin deyð í býnum, Derna í Libya.
Økið er hart rakt av vatnfjóð eftir herviliga illveðrið, Daniel, sum eitt nú herjaði í Grikkalandi í síðstu viku.
- Eg eri júst komin aftur úr Derna. Støðan er katastrofal, og her liggja lík yvir tað heila - á sjónum, í dølum og undir bygningum.
Tað sigur Hichem Chkiouat, sum er ráðharri fyri loftferðsluni og er limur í nevndini fyri neyðstødd í Libya.
Sambært Reyða Krossi eru heili 10.000 fólk saknað í økjunum, sum eru rakt av illveðri og vatnflóð.
Hichem Chkiouat sigur við Reuters í dag, at fleiri enn 1000 lík eru funnin í økjunum, sum eru millum tey harðast raktu.
Stúrt verður fyri, at talið av deyðum fer at veksa, sum tíðin gongur.
- Eg geri ikki av, tá eg siga, at 25 prosent av býnum er burtur, og nógvir bygningar eru rapaðir, sigur loftferðsluráðharrin.
Lagt verður aftrat, at fýra høvuðsbrýr og tvær vatnbyrgingar eru farnar í knús í Derna, og býurin er lýstur sum vanlukkuøki.
Sambært tíðindastovuni AFP sigur Reyði Krossur, at talið av deyðum eftir vatnflóðina kann fara at gerast rættiliga stórt.
