Aftur í nátt og í morgun hava fleiri jarðskjálvtar verið við japonsku vesturstrondina. Tann harðasti skjálvtin í morgun var 5,4 á Richter-stiganum, og ein annar var 4,8.
Jarðfrøðingar siga, at hetta eru eftirskjálvtar eftir tann harða jarðskjálvtan í gjár, sum, kravdi eitt mannalív. Umleið 200 fólk fingu skaða.
Skjálvtin í gjár var 7,1 á Richter-stiganum. Miðdepilin var 50 kilometrar undir havinum, og jarðfrøðingarnir stúrdu eina løtu fyri, at skjálvtin skuldi elva til flóðaldu. Men so var ikki.
