Ein milliard og 570 milliónir fólk hava islam sum trúgv, og sostatt er næstan fjórða hvørt fólk í heiminum muslimur. Tað er úrslitið av einari kanning, sum umfatar ikki færri enn 232 lond og økir kring allan heimin. Har sæst at 20 prosent av heimsins muslimum búgva í Miðeystri og Norðurafrika, meðan heili 62 prosent búgva í Asia. 15,3 prosent búgva í Afrika sunnan fyri Sahara, 2,4 prosent eru í Evropa, og tey seinastu 0,3 prosentini búgva í Norður- og Latínamerika. Indonesia, Pakistan og India eru tey londini, sum hava flest muslimar.
