Spanska hagstovan kunngjørdi í morgun, at í seinasta ársfjórðingi í fjør var arbeiðsloysið í landinum 22,85 prosent, og tað er størri enn í nøkrum øðrum ídnaðarlandi og tað størsta í Spania í 17 ár.
Prosenttalið sigur, at næstan 5,3 milliónir fólk í Spania hava einki atbeiði. Onnur hagtøl hava víst, at tað er serliga tað yngra ættarliðið, sum ikki hevur nakað at gera.
Í triðja ársfjórðingi í fjør var spanska arbeiðsloysið 21,52 prosent, og tá gingu fimm milliónir fólk fyri einki.
