Tað var sera spennandi og tætt millum fleiri bátar, tá ið 5-mannaførini við gentum kappaðust á Skálafjørðinum.
Endaspurturin var dramatiskur, og tað vóru fýra bátar, sum kappaðust um sigurin.
Firvaldur av Tvøroyri var fyrstur á mál, og Drekin, sum vann á norðoyastevnu, var stutt aftanfyri og honum næstur Jallurin og Fípan Fagra.
Men tað var skjótt, eftir at bátarnir vóru farnir um málið, at dómarin hevði reyða kortið á lofti. Firvaldur var, sambært høvuðsdómaran Hugo Joensen, kolldømdur fyri ikki at halda pláss og at órógva aðrar bátar.
Tvøragentur vóru vónbrotnar, og tær á Drekanum, sum vunnu á norðoyastevnu, fingu aftur í dag fult stigatal.
Á norðoyastevnu var Fípan Fagra næstfremst og Firvaldur nummar trý. Í dag var Jallurin næstfemstur. Hann var nummar seks á norðoyastevnu.
1 Drekin 05:31:25
2 Jallurin 05:32:26
3 Fípan Fagra 05:33:31
4 Frúgvin
5 Rókurin
6 Teistir
7 Ingibjørg
8 Spógvin
9 Falkur
10 Sílið
11 Ternan
12 Blikur
