Størsta broytingin í FM í talvi í dag var, at Finnbjørn Vang í 6. umfari leyp bukk upp um fleiri. Finnbjørn vann við hvíta fólkinum ímóti Andreasi Andreasen. Harafturat fekk hann fult burturúr talvinum ímóti Torkili Nielsen, sum ikki varð telvað liðugt í gjár.
Samlaða úrtøkan hjá Finnbirni tvífaldaðist harvið. Martin Poulsen er undir liðini á Finnbirni Vang á næstfremsta plássi. Í dag endaði tað remis hjá Martini við svarta fólkinum ímóti Rana Nolsøe, sum eftir góð fyrstu umfør og síðani turkur aftur kom á talvuna.
John Rødgaard er framvegis fremstur. Í dag endaði tað remis ímillum John og ein annan tvørámann, Sjúrður Thorsteinsson.
6. umfar: Terji Petersen-Olaf Berg 0-1, Sjúrður Thorsteinsson-IM John Rødgaard ½-½, Rani Nolsøe-Martin Poulsen ½-½, Finnbjørn Vang-Andreas Andreasen 1-0 og Ólavur Simonsen-Torkil Nielsen 0-1. Finnbjørn Vang vann við svarta fólkinum talvið ímóti Torkili Nielsen frá 5. umfari, sum ikki varð telvað í gjár.
Støðan: IM John Rødgaard 4,5 stig, Finnbjørn Vang og Martin Poulsen 4,0 stig, Olaf Berg og Rani Nolsøe 3,5 stig, Torkil Nielsen 3,0 stig, Sjúrður Thorsteinsson 2,5 stig, Ólavur Simonsen 2,0 stig, Andreas Andreasen og Terji Petersen 1,5 stig.
Telvað verður í Skúlanum við Ósánna, har 7. umfar verður í morgin klokkan 14: Torkil Nielsen-Terji Petersen, Andreas Andreasen-Ólavur Simonsen, Martin Poulsen-Finnbjørn Vang, IM John Rødgaard-Rani Nolsøe og Olaf Berg-Sjúrður Thorsteinsson.
