Løgtingsgrannskoðararnir hava latið Løgtinginum frágreiðing um nýtsluna til byggiverkætlanina ”Landssjúkrahúsið, útbygging”, sum Landsgrannskoðanin hevur latið løgtingsgrannskoðarunum.
Í uppskoti til samtyktar mæla løgtingsgrannskoðararnir til, at gera greiðar reglur um, hvussu almennar byggiverkætlanir skulu skipast.
Í frágreiðingini frá apríl 2023 er staðfest:
- at verandi skipan í sambandi við byggiverkætlanir ikki virkar,
- at leiðsla og ábyrgd í sambandi við byggiverkætlanir eru ikki nóg greið,
- at upplýsingar eru lagdar fyri Løgtingið, sum ikki eru eftirfarandi,
- at upprunaligar og endurskoðaðar játtanir og kostnaðarmetingar fyri H-bygningin hava ikki hildið,
- at verkætlanin er seinkað fleiri ár, og hevur ikki hildið upprunaligu og ei heldur endurskoðaðar tíðarætlanir, og
- at landsstýrisfólk hava ikki hildið sínar eftirlitsskyldur.
Løgtingsgrannskoðararnir halda, tað er alneyðugt, at frágreiðingin frá Landsgrannskoðanini verður tikin í álvara og krevja, at myndugleikarnir læra av hesum, soleiðis at framtíðar byggiverkætlanir verða væl fyriskipaðar og fíggjarliga væl stýrdar
Løgtingsgrannskoðararnir eru: Jóhannis Joensen, formaður, Erhard Joensen, næstformaður, Erling Eidesgaard og Jacob Vestergaard
Uppskotið til samtyktar kann lesast her.
