Herfyri skipaðu saudiarabisku myndugleikarnir fyri kommunuvali, men valið var av slíkum slagi, at tað hevur ikki sissað amerikonsku stjórnina, sum vil hava kongshúsið at fremja umfatandi demokratiskar nýskipanir.
Í einari nýggjari frágreiðing sigur stjórnin í Washington, at mannarættindini verða als ikki hildin í Saudiarabia, og at tað serliga eru kvinnurnar, sum líða undir teimum tvørrandi rættindunum. Amerikanska uttanríkisráðið ásannar, at ávís framstig eru hend, men leggur afturat, at enn er langt á mál.
Eitt nú vísir uttanríkisráðið á, at saudiarabisku myndugleikarnir hava fleiri serlig átrúnaðarlig løgreglulið, og at hesi javnan gera seg inn á ósekar saudiarabar og útlendingar. Amerikanararnir siga seg eisini hava fleiri dømi um, at tær saudiarabisku trygdardeildirnar pína fangar.
