Bjargingarfólk í Turkalandi og Sýria stríðast enn av øllum alvi at bjarga fólkum, sum á undurfullan hátt framvegis eru á lívi eftir fimm dagar uttan mat og drekka.
Í dag hálaðu bjargingarfólk í Turkalandi tvær kvinnur á lívi undan einum rapaðum bygningi.
Tað høvdu ligið undir húsaleivdunum í 122 tímar eftir ógvusliga jarðskjálvtan mánamorgunin. Tað upplýstu turkiskir myndugleikar í dag.
Eisini tvey smábørn eru bjargað undan.
Talið av deyðum eftir ógvusliga jarðskjálvtan fór í dag um 24.000. Umleið 80.000 fólk eru í viðgerð á sjúkrahúsum í Turkalandi.
/ritzau/Reuters
