Tað var á vegamótinum, at vegurin av Velbastað kemur út í Kirkjubøarvegin.
Ein bilur koyrdi út fyri ein bil á Kirkjubøarvegnum, og so hendi óhappið.
Av tí at talan var um ein útlending í leigubili, so fekk hann tað, sum løgreglan kallar eina straksbót. Tað vil siga, at skuldarspurningurin og revsingin verða avgreidd alt fyri eitt.
– Her var eingin ivi um skuldarspurningin, og heldur eingin ósemja um tað, sigur vakthavandi á politistøðini.
Bilførarin fekk tí 2.000 krónur í bót, sum hann rindaði alt fyri eitt.
Bilurin hjá honum, sum var ein leigubilur, fekk so mikið stóran skaða, at hann kundi ikki koyra av staðnum, men mátti flytast við flutningsbili.
