- Skrúðgongan er nakað heilt serligt. Hon er savnandi, friðarlig og hátíðarlig. Mangan havi eg upplivað, at tað hevur regnað um morgunin, men hvørja tað einastu ferð hevur tað slitið í ta løtuni mann hoyrir kórsang á Vaglinum.
Tað sigur Annika Olsen, borgarstjóri í Havn, nú hon á fyrsta sinnið skal standa á odda fyri býnum á ólavsøku.
Í samrøðu, sum kann lesast í ólavsøkublaðnum hjá Sosialinum, sigur hon millum annað eisini sigur, at hóast tað eru nógv fólk, sum samskipa tað ymiska á ólavsøku, so er tað nógv, sum hon sjálv skal góðkenna og taka støðu til í samband við tey ymsu tiltøkini. Serliga viðvíkjandi trygdini.
- Trygdin fyllir alsamt meira nú. Vit eru noydd at fyrireika okkum til slíkt og seta betongstabbar upp ymsa staðni í býnum, sigur Annika Olsen.
