Nú er greitt, hvør kemur at standa ovast á plakatuni til ársins G! Festival. Tað verður amerikanski kvinnuligi rapparin Princess Nokia, sum hevur gjørt sera nógv um seg seinasta árið.
Destiny Fraqeueri, sum er borgarliga navn hennara, er ikki bara ein fantastiskur rappari og teksthøvundur - men eitt feministiskt ikon og hon er í allar mátar heilt serstøk.
Princess Nokia blandar punk rock, 90’ara R&B og nýskapandi hipp hopp. Úrslitið er máttmikil, eldhugaður, bersøgin, og sprelllivandi tónleikur with djúpum rótum í New York City og rapp søgu.
Hon var høvuðsnavnið á danska gøtufestivalinum, Distortion, í mai í fjør.
Princess Nokia er á stórari Europa tónleikaferð, har hon er høvuðsnavn á festivalum so sum Lollapalooza og Primavera. Hon leggur leiðina umvegis Gøtusand hósdagin 11. juli, ávegis til Spania, har hon spælir kvøldið eftir.
- Tað er bara á G! tú kanst uppliva eina so ikoniska og nýhugsandi framførslu. Vit síggjast til hipp hopp á sandinum, skrivar G! festivalurin í tíðindaskrivi.
Hoyr eyðkenda sangin hennara Tomboy her:
<iframe width="560" height="315" src="https://www.youtube.com/embed/AH-LyInSNYw" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>
Her er sangurin Bart Simpson & Green Line:
<iframe width="560" height="315" src="https://www.youtube.com/embed/yEVRbSTHqmQ" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></p> </iframe>
