Stuttfilmurin Bow hjá Rannvá Káradóttir Justinussen vann í nátt virðislønina Jury Prize á árliga filmfestivalinum Dance on Camera Festival í New York í USA Av teimum 60 filmunum, ið vórðu sýndir á festivalinum, og vóru fimm í uppskoti til sjálva virðislønina.
Handanin fór fram í nátt føroyska tíð á Walter Reade Theatre í New York.
Stuttfilmurin Bow er framleiddur í Bangkok fyri einum ári síðani. Listafólk úr New York, Kina, Malaysia, Belgia og Bretlandi hittust at gera eina pallframførslu.
