Línuskipið Stapin, sum hevur roynt norðanfyri, hevði 100.000 pund, tað mesta toskur, men eisini eini 15.000 pund av hýsu. Teir settu meðalprísin á hýsuni til 14,37 krónur fyri kilo, men tá uppboðið var liðugt, høvdu keypararnir bjóðað 17,67 krónur í meðal.
Fyri ta stóru hýsuna fekk Stapin 17,67 krónur, hýsa II fór fyri 17,44 krónur, og fyri hýsu III fingu teir 18,31 krónur. Hægsta boð upp á hýsuna var 20,60 krónur. Til samanberingar kann nevnast, at hægsta boð upp á tosk á marknaðinum í dag var 16,00 krónur.
