FCK stendur seg ógvuliga væl á heimavølli í evropeiskum kappingum, men í fyrru 1/8-finaluni í Europa League tapti danska liðið í kvøld stórt heima í Parkini. Mótstøðuliðið var spanska Atlético Madrid, sum vann dystin 4-1.
Heimaliðið legði seg annars á odda eftir einum korteri við máli frá tí júst keypta Viktor Fisher, men síðani fór spanska maskinan í gongd, og eftir 2-1-hálvleiksleiðslu vann Madrid-liðið 4-1. Málskjúttar vóru Saul Niguez, Kevin Gameiro, Antoine Griezmann og Vitolo.
Eitt annað norðurlendskt lið er í 1/8-finalunum. Tað er púra óvæntað svenska liðið Östersunds FK, sum eins og FCK longu er hálvt úti úr kappingini eftir 0-3-tap á heimavølli ímóti Arsenal. Har vóru málskjúttarnir Nacho Monreal, eitt sjálvmál og Mesut Özil.
Úrslit í fyrru 1/8-finalunum í Europa League:
