Skal FCK endurtaka ævintýrið í Champions League frá í fjør, so skulu teir av álvara taka seg saman. Í gjár taptu teir fyrra dystin, um at koma í Champions League bólkaspælið, 3-1 í Parkini móti tjekkiska FC Viktoria Plzen. Arsenal vann á Udinese
Í fjør megnaði FCK at vinna seg víðari úr Champions League bólkaspælinum, sum tað fyrsta danska liðið nakrantíð. Millum góðu úrslitini var ein javnleikur í Parkini móti Barcelona.
Í ár er tó líkt til, at FCK als ikki kemur í bólkaspælið. Teir høvdu í gjár vitjan av tjekkiska FC Viktoria Plzen. Úrslitið gjørdist 3-1 til tjekkiska liðið. Tí skal FCK skora minst tríggjar ferðir í retur-dystinum í Tjekkina, um teir vilja hava møguleikan at møta liðnum sum Barcelona aftur í ár.
Eisini Arsenal stríðist fyri at koma í Champions League bólkaspælið. Teir spældu á heimavølli móti Udinese og vunnu 1-0. Einsamalla málið í dystinum skoraði Theo Walcott longu aftaná fýra minuttir.
Champions League:
Arsenal Udenese 1-0
1-0 Theo Walcott, 4
FCK Pizen 1-3
0-1 Solvi Ottesen, 52 sjálvmál
0-2 Vaclav Pilar, 59
1-2 Solvi Ottesen, 69
1-3 Martin Fillo, 79
Twente Benfica 2-2
1-0 Luuk de Jong, 6
1-1 Oscar Cardozo, 21
1-2 Nolito, 35
2-2 Bryan Ruiz, 80
BATE Sturm Graz 1-1
0-1 Manuel Webber, 12
1-1 Marko Simic, 59
Lyon Ruben Kazan 3-1
0-1 Vladimir Dyadyun, 3
1-1 Bafetimbi Gomis, 10
2-1 Solomon Kverkveliya, 40 sjálvmál
3-1 Jimmy Briand, 71
