Í heyst stríddist FC Suðuroy væl og leingi fyri at sleppa undan niðurflytingini. Tað eydnaðist ikki, og í 2022 fer FC Suðuroy at spæla í triðibestu deildini.
Í kvøld boðar FC Suðuroy frá, at Palli Augustinussen eisini í 2022 verður høvuðsvenjari, og at Jakob Skaaning eisini í 2022 verður hjálparvenjari.
Palli Augustinussen hevur verið venjari á Vágseiði tvey tey seinastu árini.
FC Suðuroy veit í kvøld at siga, at fyrsta venjingin var í kvøld, og at tað á leikarafundinum undan venjingini vóru 21 spælarar, og at nakrir eru burturstaddir.
Umstøðurnar eru góðar at venja hjá FC Suðuroy, sum venur í marghøllini í Vági.
