H71 vann Faxe Kondi kappingina hjá dreingjum 16 aftaná eina episka finalu móti Kyndli.
Aftaná vanliga leiktíð stóð á jøvnum 27-27. Kyndil var á odda 14-10 í steðginum.
Aftaná fyrru longdu leiktíðina stóð á jøvnum 34-34, og aftaná seinnu longdu leiktíðina stóð á jøvnum 39-39. Og so var neyðugt við brotskastskapping.
H71 var kaldari í brotskastskappingini og setti fimm av fimm brotskøstum í málið. Kyndil skoraði upp á trý av fýra brotskøstum, og tað gjørdist tann lítli munurin sum sendi steypið niðan til Hoyvíkar.
Boas Ellefsen á Skipagøtu, ið skoraði 14 mál, og gjørdist toppskjútti fyri H71 fekk heiðurin at skora til endaliga úrslitið 44-42.
Fyri undirhaldið hava bæði liðini uppiborið gull.
Gabriel Nolsø Petersen var toppskjútti hjá Kyndli við 13 málum.
HER er dómaraseðilin frá HSF:
##med2##
