Tað plaga at vera onkur heit óvæntað úrslit, tá ið tey størstu feløgini í Onglandi spæla í FA Cup steypakappingini á útivølli ímóti teimum smáu. Í dag vóru tey flesstu av teimum størstu á útivølli, og felags fyri nógv tey flestu var, at tey vunnu og harvið halda fram í kappingini.
Størsti favoritturin av øllum mundi vera Manchester City, sum hevði vitjan av Watford. Heimafavorittarnir vunnu 4-2, men leingi meiri enn lúrdi stóra sensatiónin. Tá ið hálvur tími var farin, var Watford frammanfyri 2-0, og tað var ikki fyrrenn ein tími var farin, at Sergio Agüero minkaði um munin, men so gekk skjótt, og City vann 4-2. Stóri maðurin var Sergio Agüero, sum skoraði trý mál.
Illa sperda Swansea vann 2-1 á útivølli ímóti Birmingham. Hjá Michael Laudrup og hansara monnum var sigurin sera kærkomin. Laudrup helt fyri, at hetta var gott fyri sjálvsálitið, nú Swansea í landskappingini skal stríðast fyri at sleppa burtur frá niðurflytingarhóttanini.
FA Cup í dag
Bournemouth – Liverpool 0-2
Bolton – Cardiff 0-1
Huddersfield – Charlton 0-1
Wigan - Crystal Palace 2-1
Birmingham – Swansea 1-2
Rochdale - Sheffield W. 1-2
Port Vale – Brighton 1-3
Sunderland – Kidderminster 1-0
Southend – Hull 0-2
Southampton – Yeovil 2-0
Manchester City – Watford 4-2
Stevenage – Everton 0-4
Í morgin
Sheffield U. – Fulham kl. 13.00
Chelsea – Stoke kl. 15.30
