Tveir dystir hava í kvøld verið í Champions League. Í Týsklandi hava Bayer Leverkusen og Atletico Madrid spælt, meðan Arsenal og Monaco hava spælt í Onglandi.
Sambært veddingarfyritøkunum vóru Atletico Madrid og Arsenal favorittar til dystirnar í kvøld, men í báðum førunum dumpaðu favorittarnir.
Tað vóru nevniliga Bayer Leverkusen og Monaco, ið fóru avstað við sigrunum í kvøld.
Monaco vann ein sannførandi 3-1 sigur á Emirates leikvøllinum í London. Hóast Arsenal sá út til at fáa eina vón til seinna dystin, tá teir í yvirtíðini minkaðu um munin til 2-1, so eydnaðist tað allíkavæl Monaco at fáa eitt mál afturat í yvirtíðini, soleiðis at sigurin var við tveimum málum.
Serliga eyðsýndur á liðnum hjá Monaco var fyrrverandi Manchester United áleyparin, Dimitar Berbatov.
Í hinum dystinum vann Bayer Leverkusen 1-0 á heimavølli móti Atletico Madrid. Einsamalla málið í dystinum skeyt Hakan Calhanoglu, tá umleið ein tími varð leiktur av dystinum.
Harvið eru tað favorittarnir úr Arsenal og Atletico Madrid, ið hava knívin á barkanum til seinnu uppgerðina, sum verður tann 17 marts.
Úrslitini í kvøld:
Bayer Leverkusen – Atletico Madrid 1-0 (0-0)
1-0 Hakan Calhanoglu
Arsenal – Monaco 1-2 (0-1)
0-1 Geoffrey Kondogbia
0-2 Dimitar Berbatov
1-2 Alex Oxlade-Chamberlain
1-3 Yannick Ferreira-Carrasco
