Sambært Eyðuni Christiansen, stjóra í Føroya Kommunufelag, so hevur Jørgen Niclasen biðið um fund millum seg og Kommunufelagið í næstu viku, men hesum hava kommunurnar ongan áhuga fyri. Tey hava bara givið honum freist til á middegi í dag at svara, og hann hevur ikki svarað.
Málið fer nú víðari, og tað merkir helst, at Kommunufelagið fer í rættin við fíggjarmálaráðharranum, sum sambært teimum fremur brot á kommunulógina.
