Alt bendir á, at Johan í Kollafirði og hansara húsfólk sleppa í øllum førum at verða verandi i Fámará eina tíð aftrat.
Tí hóast Búnaðarstovan váttar, at tey hava heitt á fútarættin um at syrgja fyri, at búfólkini í Fámará fara av garðinum, kann hetta fara at taka sína tíð.
- Eg kann vátta, at vit hava fingið áheitanina frá Búnaðarstovuni í gjár, og hon verður viðgjørd sum allar aðrar áhetanir, vit fáa frá feløgum og fólki, verður sagt av dómaraskrivstovuni.
Sagt verður, at málið um Fámara fær onga serviðgerð, men verður latið til juristarnar at taka sær av.
- Fleiri avdvokatfeløg eru í summarfrí beint nú, og hava sostatt biðið um, at mál, tey varða av ikki koma fyri í frítíðini, verður sagt av dómaraskrivstovuni.
Sostatt ber ikki til at siga, nær málið um Fámara verður avgreitt.
- Eg dugi ikki at siga, um tað verður avgreitt í morgin, um nakrar vikur ella vit tosa um mánaðir, verður sagt av dómaraskrivstovuni.
