Í gjár fór Fagraberg, sum seinastu tíðina hevur ligið niðri í Skagen, at sigla heimaftur til Føroya. Skipið hevur verið í Skagen síðan 20. mars og kemur nú heimaftur til Føroya eina viku seinni enn ætlað.
Í Skagen er Fagraberg pussaður upp og partvís sandvaskaður, sum tað verður rópt.
Ætlanin er, at skipið fer á svartkjaftaveiði, tá teir hava verið eftir útgerð.
Sambært www.skipini.fo verður Fagraberg í Føroyum um middagsleitið í morgin.
