Vegleiðingarstovan skrivar í frágreiðing, at Uddannelses- og Forskningsstyrelsen vísur í rapportini Søgning 2022 á eina lækking á 27% av umsøkjaratalinum til bæði sjúkrarøktarfrøði, lærara og námsfrøði.
Undirvísingarministari Jesper Petersen sigur á sosialu miðlunum um gongdina: “...især faldet på de store velfærdsfag er bekymrende. Vi har et fælles ansvar for at vende bøtten....”
Lækkingin skapar røring í kjakinum um útbúgving og arbeiðsmarknað, tá tað júst eru hesar útbúgvingar, tørvur er á. Dansk Sygeplejeråd kallar lækkingina eina bumbu undir sjúkrahúsverkið og BUPL (Børne- og Ungdomspædagogernes Landsforbund) kallar tað somuleiðis eina bumbu undir góðskuni á dagstovnum.
Les eisini: Færri føroyingar søkja inn á hægri lestur
Eisini ímillum føroyingar, sum hava søkt inn á universitet í Danmark, valdu færri í ár professionsbachelor útbúgvingar. 91 umsóknir vóru til professionsbachelor útbúgvingar í ár og 102 umsóknir í 2020. Fleiri velja bachelor útbúgvingar, 192 umsóknir vóru í ár meðan tað vóru 187 í 2020.
Hendan gongdin sæst tó ikki millum umsøkjarar á Setrinum. Til sjúkrarøktarfrøði eru væl fleiri umsøkjarar. Eisini eru tað fleiri, sum søkja inn til fólkaskúlalærara, meðan tað eru færri umsøkjarar til námsfrøði.
##med2##
