Eitt ella møguliga tvey línuskip koma inn at landa mánadagin. Skipini hava mest av longu, toski og nakað av brosmu og hýsu.
- Ivasamt er, hvussu verður seinni í vikuni, men tað kann verða, at okkurt línuskip aftrat kemur inn at landa.
Fiskamarknaður Føroya veit at siga, at eitt línuskip fiskar við Rockall, tvey skip eru á Íslandsrygginum og eitt vestanfyri.
- Hesi skipini fiska mest tosk, longu og nakað av brosmu og skøtu.
Tvey frystilínuskip eru eisini til fiskiskap.
- Streymurin verður harður fyrst í vikuni, men batnar, sum vikan gongur. Veðrið verður gott, so helst verður nakað av útróðri, sigur Fiskamarknaður Føroya.
