Nú er ein heimasíða um fullveldisætlanina hjá landsstýrinum komin á internetið. Á síðuni verður greitt frá grundgevingunum hjá landsstýrinum fyri at fara undir ætlanina, hvussu arbeiðið er skipað, og hvussu ætlanin er, at farast skal fram inntil fólkaatkvøðurnar verða komandi ár.
Á heimasíðuni er eisini tilfar um tey týdningarmestu stigini, sum eru tikin í fullveldisgongdini higartil, har er tilfar um arbeiðið við Hvítubók, har er allur arbeiðssetningurin hjá grundlógarnevndini o.m.a.
Tær almennu grundgevingarnar hjá teimum flokkum, sum atkvøddu ímóti løgtingsuppskotinum um fullveldisætlanina, eru eisini at finna á heimasíðuni.
Heimasíðan er at finna undir heimasíðuni hjá landsstýrinum: www.fl.fo
