Í morgin - leygardagin 21. Apríl - verður ráðstevnan “Kom og fanga okkum”, sum Meginfelag Føroyskra Studenta skipar fyri á Norðuratlants bryggjuni í Keypmannahavn.
Á ráðstevnuni verður møguleiki lesandi at fanga arbeiðsgevarar, ið á ein ella annan hátt hava føroyskt tilknýti. Umvent verður eisini møguleiki hjá arbeiðsgevarum at fanga tey mongu føroysku lesandi, ið húsast í Danmark. Eisini fer umboð fyri Fróðskaparsetrið at greiða frá um Master útbúgvingarnar á Setrinum.
Á ráðstevnuni luttaka 25 fyritøkur og stovnar frá tí almennu og privatu vinnuni. MFS hevur lagt seg eftir at hava okkurt til allar málbólkar, soleiðis at so nógv lesandi og so nógvir arbeiðsgevarar sum gjørligt kunnu fanga tey røttu fólkini.
Skráin til tiltakið í morgin:
11:00 MFS bjóðar vælkomin
11:05 Aksel V. Johannesen, Løgmaður, setur stevnuna
11:15 Møguleiki fyri at taka CV myndir
12:30 Ábit
13:00 Elinborg Pálsdóttir spælir tónleik
14:00 Íblástur til umsókn og setanarsamrøðu við Bergtóru Høgnadóttir
16:00 Liðugt
Fyritøkurnar, ið vera við á stevnuni ”Kom og fanga okkum” eru:
Almannaverkið, Als, Articon, Atlantic Airways, Bank Nordik, Elektron, Formula, Fróðskaparsetrið, Hey, Javnaðarflokkurin á Fólkatingi, Klaksvíkar kommuna, Klintra, KVF, Landssjúkrahúsið, Landsverk, LBF, Posta, SEV, SMJ, SNA, Taks, Tjóðveldi, Tórshavnar kommuna, Uttanríkis- og vinnumálaráðið.
