Eitt slíkt val verður gjørt millum prestarnar og umboð fyri kirkjuligu myndugleikarnar.
Hesaferð kundu teir velja millum Nemuel og tvey onnur valevni. Longu eftir fyrstu atkvøðugreiðsluna var greitt, at Nemuel hevði vunnið hesa: 316 av íalt 377 atkvøðum vóru fyri honum. Hetta svarar til 84%.
Nemuel Babba hevur samband við Føroyar við tað at hann er giftur við Kaju Nemuel, sum er ættað úr Rituvík. Hon er trúboðari í Nigeria fyri danska missiónsfelagið Sudanmissionen.
Nemuel er 54 ára gamal og verður nú erkabispur í hesi kirkjuni í Nigeria við omanfyri 2000 samkomum og 1,2 mió. limum.
Danska Sudanmissiónin byrjaði annars arbeiðið sítt í Nigeria í 1915, tá læknin Niels Brønnum setti á stovn hesa luthersku kirkjuna, sum í dag er fjórðstørsta kirkjan í Afrika.
