Tað verður føroysk umboðan í finaluni um norska meistaraheiti í mansflogbólti.
Bárður Bendix Mikkelsen og Rúni Weihe spælir báðir við liðnum úr Tromsø, og teir hava vunnið seg í finaluna.
Fyri einari viku síðani spældi Tromsø á útivølli ímóti Nyborg úr Bergen, og hendan dystin vann Tromsø 3-1. Um vikuskiftið varð seinni dysturin spældur í Tromsø, og aftur hesaferð eydnaðist tað Tromsø at vinna úrslitið var hesaferð 3-1
Nyborg kom betur frá byrjan og vann fyrsta settið 30-28, men so vendi Tromsø dystinum og vann næstu trý settini.
Finalan um norska meistaraheitið kemur tí at standa ímillum Tromsø og Kristianssund. Fyrsta finalan verður um vikuskiftið.
