Fleiri føroyingar vóru staddir í India, tá ógvusligur jarðskjálvti rakti landið fyri góðari viku síðani.
Myndugleikarnir hava hildið upp á, at eini 100.000 fólk lótu lív í jarðskjálvtanum, sum rakti norðara part av landinum, men veruliga talið er helst um 35.000.
Í hinum endanum av landinum vóru føroyingar á ferð júst um hetta mundið. Ein teirra var sóknarpresturin í Klaksvík, Niels Pauli Danielsen.
? Vit merktu einki til sjálvan skjálvtan, tí India er eitt sera stórt land, og skjálvtin var har norðuri í landinum, greiðir Niels Pauli frá.
Stúrin starvsfólk
Trý føroysk pør vóru í donskum ferðalagi í India, og tey hildu til í ferðamannaøki har suðuri í landinum. Har í økinum er nógv av fólkinum kristin.
? Onkur av starvsfólkunum á hotellinum høvdu skyldfólk í nánd av jarðskjálvtanum, og tey vóru eitt sindur stúrin eftir hendingarnar, sigur Niels Pauli.
Men annars upplivdu føroyingarnir bara jarðskjálvtan gjøgnum fjølmiðlarnar ? bæði indiskar og útlendskar.
Leygardagin fór ferðalagið á flog úr India, og allir føroyingarnir eru komnir heimaftur í øllum góðum.
