Í eini roynd at geva eitt sakligt íkast til orðaskiftið fara vit tí í fýra greinum í hesum og komandi leygardags-sosialum at viðgera nakrar samfelagsligar høvuðsspurningar, sum eru umráðandi at viðgera í tí samlaða tjakinum um fullveldisspurningin.
Henda fyrsta greinin og tann komandi leygardag snúgva seg um endurskipanina av føroyska vinnulívinum, har vit leggja serligan dent á spurningin um, hvussu vit kunnu skapa grundarlag fyri einum sjálvberandi og fjøltáttaðum vinnulívi. Triða greinin snýr seg um endurskipanina av almenna bygnaðinum, har vit taka útgangsstøði í nýligu frágreiðingini frá kommununevndini. Í fjórðu greinini taka vit samanum greinarøðina við serligum denti løgdum á sambandið ímillum tað almenna og tann privata sektorin.
