Mánadagin fer Føroya Klarinettorkestur á konsert- ferð til Týsklands samman við einum donskum klarinettorkestri.
Føroya Klarinettorkestur hevur spælt til tiltøk ymsastaðni í Føroyum. Seinast hevur orkestrið spælt á ASFALT- festivalinum í Havn. Leiðari hjá Føroya Klarinettorkestri er Peder Riis-Jensen.
Í Týsklandi fara tey fyrst til Suðurslesvig, har ið tey skulu búgva á einum donskum skúla. Eftir nakrar dagar har, fer túrurin víðari suðureftir til Lüneburger Heide, har ið tey fara at vitja stuttleika-parkina Heide Park Soltau . Tey skulu eisini spæla har.
Síðsti partur av túrinum er til Marburg. Har fara tey at hava nakrar konsertir. Harafturat verður eisini betri tíð til fríløtur og sight-seeing.
