Í løtuni eru bara tvey partrolarapør til fiskiskap eftir upsa, og sambært Fiskamarknaði Føroya fiska trý partrolarapør framvegis gulllaks. Skipini koma inn at landa, sum vikan gongur.
Ein djúpvatnstolari er á Íslandsrygginum, og teir koma inn at landa síðst í hesi vikuni.
Á Fiskamarknaði Føroya vænta tey eisini, at ein norskur trolari kemur við svartkalva síðst í ólavsøkuvikuni.
- Ein trolbátur er á Íslandsrygginum og kemur inn at landa í morgin. Tríggir eru norðan fyri og onkur av hesum kemur inn at landa í morgin.
Landleiðin, sum hevur verið stongd í 14 dagar, letur upp aftur síðst í hesi vikuni.
Lagt verður aftrat, at eitt garnaskip er til fiskiskap í løtuni. Teir fiska svartkalva. Fiskiskapurin er brúkiligur, og garnaskipið landar í morgin, mánadagin.
